ياسمين عز:مني زكي عظيمة وتصريح أحمد مراد كناية بلاش نمسكله أخطاء
كتبت/زينب أيمن الكيلاني
حرصت الإعلامية ياسمين عز على الدفاع عن منى زكي وفيلم الست، وذلك بعد تعرضه لانتقادات كبير بمجرد طرح البرومو التسويقي للعمل، وأيضا الدفاع عن الكاتب أحمد مراد بعد تصريحه الأخيرة “لو رسول كل هيبقى أسهل”، مشيرا إلى أن الجمهور يريد أي خطأ للنجوم والفنانين.
قالت ياسمين،أول ما تم طرح برومو الست الدنيا قامت ، في ناس معينة كدة احنا عارفينهم بيهاجموا أي حاجة قبل عرضها ويشتموا، ازاي تحكم على عمل ضخم وكبير وبيتحضرله بقاله كتير من برومو؟، هل فيه فيلم فيه كل الأسماء دي بميزانية ضخمة ومؤسسة كبيرة زي هيئة الترفيه هيفوتهم أن كل حاجة تبقى ماشية مظبوطة وبالملي؟
وتابعت: البرومو أظهر أم كلثوم زي الحقيقية ومنى زكي ظهرت بشكل احترافي، هي ست محترمة وممثلة عظيمة ولازم نقول رأينا فيها بأدب.. ولما نجيب حد يمثل أم كلثوم لازم تكون هي، مش هنجيب اسمهان مثلا؟
وبشأن تصريح أحمد مراد على هامش ندوته في مهرجان مراكش، والذي قال فيه “لو بعمل فيلم عن رسول هيبقى أسهل”، قالت ياسمين عز: “أحمد مراد قال في ندوة كلمة فيما معناها كناية تعرفوا معنى الكناية والاستعارة المكنية.. زي ماتقول لمراتك لو الدنيا اتهدت مش هطلقك وتطلقها بعدين.. كلمة بتتقال زي أي حد وأم كلثوم بشر لحم ودم زينا وهو كاتب عبقري بنمسك ليه الأخطاء.. استنى شوف الفيلم وأحكم”.
