كتبت / آية سالم
أثارت الإعلامية ياسمين عز جدلاً واسعًا بعد تصريحاتها خلال برنامج “كلام الناس” على قناة MBC مصر، حيث انتقدت سلوك بعض الفتيات في ظل الأوضاع الاقتصادية الصعبة بالشرق الأوسط.
وقالت ياسمين عز إن هناك فجوة واضحة بين الواقع المعيشي واهتمامات البعض، مشيرة إلى ارتفاع أسعار السلع الأساسية: “الطماطم بقت بـ70 جنيه، والعالم بيحترق، والبنات أهم حاجة عندهم أوردرهم من شي إن والماسك الكوري”.
وأضافت الإعلامية ساخرة: “بقالك 20 سنة وأنتي مغسلتش وشك، وهيجي الماسك ده هو اللي هيخلي بشرتك زجاجية؟”، قبل أن تعلق بنبرة انتقادية: “عندك حبوب اتجوزي يا حبيبتي.. وبعدين أنتي معاكي فلوس أصلا؟ دانتي سالفة 32 جنيه من شركات المحمول”.
واختتمت ياسمين عز حديثها بدعوة الجمهور للتوازن في الاهتمامات ومراعاة الظروف الاقتصادية، قائلة: “خلي فيه شوية إحساس وعيشوا معانا في الأجواء”.
كما وجهت رسالة للسيدات مع اقتراب شهر رمضان، مطالبة بتغيير الروتين التقليدي في تحضير الأطعمة الرمضانية: “أول يوم رمضان بلاش تبقي تقليدية وتعملي بط ومحشي زي مصر كلها.. غيري واعملي فول وبتنجان في أول يوم عشان تخليهم يحسوا بالفقراء والمحتاجين ورمضان شهر عبادة مش شهر بط”.
