كتبت/زينب أيمن الكيلاني
تصدرت النجمة يسرا التريند في الساعات القليلة الماضية، بعد تداول مقطع فيديو لها، من لقاء أُذيع منذ فترة قليلة، أجرته مع مذيعة بتقنية الـ AI.
وانفعلت يسرا خلال اللقاء على المذيعة بسبب سؤالها، حول حياتها بعد 20 سنة، حيث ردت الفنانة : “20 سنة إيه يا بنتي .. انتي هبلة ولا شكلك كده ؟ .. مفيش 20 سنة هعيشهم يا عبيطة”.
وتابعت يسرا : “بس هقول الحمد لله على كل اللي فات من عمري .. وإذا كان في عمر جاي بقول برضو الحمد لله .. وزمان كنت بخاف جدًا من المستقبل .. لأن مفيش حد فينا مش بيخاف من اللي مش عارفه”.
ومن ناحية أخرى، سبق وعلقت الفنانة يسرا مؤخرًا، على تقديم الفنانة منى زكي لشخصية كوكب الشرق أم كلثوم، في فيلم الست، وذلك بعد تعرض منى لموجة من الانتقادات، خلال الأيام القليلة الماضية بمجرد طرح الإعلان الرسمي للفيلم.
وحثت يسرا الجميع على مشاهدة فيلم الست، مشيدة بالفنانة منى زكي والمخرج مروان حامد، حيث قالت خلال لقائها مع برنامج ET بالعربي : “بقولكم اقعدوا اتفرجوا على فيلم عظيم لفنانة حلوة أوي وعظيمة جدًا .. ولمخرج رائع وهو مروان حامد .. وشوفت التريلر وعارفة قد إيه بيشتغلوا فيه .. والتريلر فاجأني وعجبني أوي وباركت لمروان على طول .. وهما عاملين شغل محصلش”.
