طلعت يوسف يهاجم إدارة الزمالك واتحاد الكرة: “الكورة في مصر بقت لفريق واحد!”

وجه الكابتن طلعت يوسف، المدير الفني الأسبق لعدد من أندية الدوري الممتاز، انتقادات حادة لإدارة نادي الزمالك، مطالبًا رئيس النادي حسين لبيب بالخروج والتحدث إلى جماهير القلعة البيضاء بعد فترة طويلة من الصمت.

وقال يوسف في تصريحات تلفزيونية: “حسين لبيب لازم يطلع يكلم جمهور الزمالك، مينفعش كده! بقالك سنة مش بتظهر، طب قاعد على الكرسي ليه؟ سيبه لغيرك أحسن.”

وأضاف: “جمهور الزمالك أكتر جمهور في العالم شاف قرف ومحدش حاسس بيه، حتى أرض أكتوبر سحبتوها من غير ما تعرفوهم ليه؟”

وتابع طلعت يوسف هجومه منتقدًا حال الكرة المصرية قائلًا: “للأسف الكرة في مصر مبقاش فيها غير فريق واحد مدعوم، والباقي كله لأ.. الإسماعيلي والاتحاد والمصري وحتى الزمالك في السكة.”

واختتم حديثه محذرًا: “عندك فرقتين جماهير هتهبط، وبحمّل مسئوليتهم لاتحاد اللعبة اللي مش فاهم حاجة في اللعبة.”