6 جمل سحرية قلّها لطفلك كل يوم من KG1 لـ ١٠ سنوات.. هتغيّر شخصيته .. تربية إيمانية ناجحة
تحرير ميادة قاسم
أي أم أو أب عنده أطفال من KG1 لحد ١٠ سنين لازم يكون عنده “قاموس يومي” من الكلمات الإيمانية اللي تتكرر ١٠٠ مرة في اليوم لو لزم الأمر.
الكلمات دي مش مجرد نصيحة.. دي استثمار أخروي هيبان أثره في شخصية ابنك وهو لسه ٧ سنين، وهيبان أكتر وهو ٢٠ سنة، وهيدعيلك بيها وهو ٤٠ سنة إن شاء الله.
إليكِ الـ ٦ جمل السحرية اللي غيّرت حياة آلاف الأمهات والأطفال:
بدل «غلط وعيب» → قولي:
«هي دي أخلاق النبي ﷺ؟ لو النبي مكانك كان هيعمل كده؟»
كرريها في كل موقف ألف مرة لو لازم.. مع الوقت هيبقى هو بنفسه اللي يقول: «لأ مش دي أخلاق النبي» ويصلح نفسه فوراً.
أي طلب يطلبه منك (حتى لو معاكِ فلوس تشتريله الكون كله):
الرد الوحيد: «ادْعِ ربنا الأول يا حبيبي»
هتترسخ عنده فكرة إن الرزّاق هو الله، مش ماما ولا بابا.
هيطلع إنسان متعلق بربه مش بجيب أهله.
لما يحصل خناقة أو كدب أو حد يرمي التهمة على التاني:
زلزليهم بالجملة دي:
«ربنا شايفك دلوقتي.. هيسألك يوم القيامة»
صدقيني.. هييجي لحظة هيقول: «ماما أنا اللي كسرت.. مش هكدب لأن ربنا شايفني».
وهنا تسامحيه فوراً.
علاقة مباشرة وصريحة مع ربنا من وهو ٥ سنين.
ضرب أخوه أو أخته أو أذى حد:
«يوم القيامة هتاخد من حسناتك لو ما سمحكيش.. قدامك حل واحد: تروح تعتذر وتطلب منها تسامحك دلوقتي حالاً»
كل ما يكرر الغلطة كرري الجملة.. هيتربى عنده رعب من حقوق العباد أكتر من رعبه منك.
لما يصلي صلاة «الكرتون» وينقرها نقر:
اسأليه بهدوء:
«إنت شايف دي صلاة تدخلك الجنة ولا تدخلك النار؟ نقدر نقف قدام ربنا مستعجلين عشان كرتون؟»
سيبيه يفكر.. هيرجع يعيد الصلاة لوحده. في المرة التالتة هيصلي صح من أول مرة بإذن الله.
لما يتباهى أو تتباهي إنتِ قدامه: «إنت أحسن من فلان»
قطعي الجملة دي من البيت نهائي وقولي:
«إنت مش أحسن من أي حد إلا بدينك وأخلاقك.
ربنا قال: أحبّ الناس إليّ أتقاهم.. مش أغلاهم ولا أبيضهم ولا أطولهم».
كرري الكلمات الـ ٦ دول يومياً.. في البيت، في العربية، قبل النوم، بعد الصلاة..
مش هتاخد منك مجهود كبير، لكن النتيجة:
ولد صالح، عنده علاقة قوية بربه، شخصيته سوية، قلبه سليم، ويدعيلك بعد مماتك.
الاستثمار الأعلى ربحاً في الدنيا والآخرة = تربية ولد صالح يدعو لك.
شاركي المقال ده مع كل أم عايزة ابنها يتربى على الفطرة ويضمن الجنة إن شاء الله.
