ياسمين عز بعد حجب لعبة روبلوكس: على الآباء مراقبة أولادهم وحمايتهم من الطرق غير الشرعية لإعادة اللعبة
كتبت / آية سالم
علّقت الإعلامية ياسمين عز على قرار حجب لعبة روبلوكس الشهيرة في مصر، مشددة على أهمية دور الأهل في توجيه أطفالهم ومراقبة استخدامهم للتكنولوجيا، وتحذيرهم من محاولات الأطفال إعادة اللعبة بطرق غير قانونية.
وقالت ياسمين عز، خلال برنامجها «كلام الناس»: “أخيرًا قفلنا لعبة روبلوكس، مش عارفة إيه سر ارتباط الأطفال الشديد باللعبة دي، والدولة عملت اللي عليها، ومفيش أهم من ولادنا. مجلس النواب بيجهز مشروع قانون لتنظيم استخدام الموبايل من سن معينة ومتابعة المنصات والألعاب اللي ممكن تتقفل زي منصات المراهنات لحماية أولادنا”.
وأضافت: “دور كل أم وأب مهم جدًا، خصوصًا الأم داخل البيت، لازم تركز مع أولادها وتملأ وقت فراغهم بحاجات مفيدة. الأطفال أذكياء جدًا، وقد يحاولوا تحميل اللعبة بطرق غير شرعية، لذلك متابعة سلوكهم أمر ضروري”.
واختتمت الإعلامية بتوجيه نصيحة للأهل: “عليكم توفير ألعاب تعليمية وترفيهية تشبه اللي كنا نلعبها زمان، عشان الجيل الجديد يستمتع بطريقة آمنة ويفكر بشكل إيجابي”.
