كتب عبدالله طاهر
وجهت “ماس” ابنة الملحن الراحل محمد رحيم رسالة مؤثرة لوالدها بمناسبة الذكرى السنوية لرحيله التي توافق يوم 23 نوفمبر. عبرت ماس عن فقدانها لروحها وشغفها في الحياة بعد وفاته، وكشفت عن عمق العلاقة والذكريات التي جمعتهما.
ماس تستذكر والدها الراحل
كتبت ماس ابنة محمد رحيم عبر حسابها الرسمي على “إنستجرام”، في ذكرى رحيله:
“فكرت كتير في الكلام اللي نفسي أقوله النهارده، واللي عارفاه كويس أوي إنه هيوصلك وهتحس بيا عشان اللي بيني وبينك مكانش وعمره ما هيكون في الأرض وانتهى عليها وبس، يمكن بقالي 3 شهور بحاول أجمع كلامي وبقالي سنه بحاول أصدق، أنا بقيت أدور عليك في تفاصيل عمري.”
وأضافت الابنة المكلومة أنها تبحث عن صوت والدها في كلامها وعن ملامحه في مرآتها وفي وجوه إخوتها وأفراد عائلتها، مؤكدة أن كل كلامه وأفكاره كانت تشغل تفكيرها، وتابعت:
“أنا كنت بشوف حركاتك وتعبيراتك ومش بعيوني وخلاص أنت ليك مكان خاص جوه قلبي، وكل ما أفتكر ذكراياتنا وأرجع للماضي، من كتر إحساسي بيك، بحس إن اللحظة لسه عايشه ولسه بنتمشى في الشارع وأنا بغني بصوت عالي، عشان أنا وهارتي نضحك ونتكسف وأنت تضحك على رد فعلنا.”
فقدان الروح والشغف
أكدت ماس أن رحيل والدها أثر بعمق على حياتها، معبرة عن ذلك بقولها:
“أنا فقدت روحي ونفسي وإحساسي وإدراكي وشغفي، لما أنت مشيت، ولكن كل مرة بفتكرك فيها واللهِ واللهِ بيرجعولي تاني، ولو حد عايزني في حاجة بجد يحلفني بعيونك.”
واختتمت رسالتها المؤثرة بوصف الذكرى بـ “الأليمة والموجعة”، شاكرة ربها على أن رزقها به وجعلها ابنته، وقالت:
“ادعو لـ قلبي بالرحمة والمغفرة.”
