أنا كويس”… أكبر كدبة بنعيشها كل يوم

كتبت/ إيناس محمد

متقولهاش بسهولة… لأنك ممكن تكون بتخدع نفسك قبل أي حد.

مش كل اللي بيضحك… مبسوط.

في ناس بتضحك علشان تخبي… مش علشان فعلًا مرتاحة.

يروحوا، يهزروا، يعيشوا عادي… بس أول ما يبقوا لوحدهم… الصمت بيبقى أعلى من أي صوت.

وجع مش بيتحكي… تفكير ما بيهدّاش… وكل ده متغطي بكلمة: “أنا كويس”.

خلّينا نبقى صريحين…

إنت مش كويس… إنت بس متعوّد تمثّل.

بتضحك؟ ولا بتهرّب؟

بتقول “عادي”؟ ولا خايف حد يشوف حقيقتك؟

الحقيقة المؤلمة: إحنا بقينا بنخاف نحكي… أكتر ما بنخاف نتوجع.

بنخبي وجعنا… علشان محدش يستغله. أو يقلّل منه. أو يمكن… علشان نسينا نحكي أصلًا.

بس خليني أسألك بجد:

إنت ساكت ليه؟

خايف؟ ولا متأكد إن محدش هيفهمك؟ ولا يمكن… إنت نفسك مش فاهم إيه اللي جواك؟

إنت موجوع فعلًا… ولا متعوّد تعيش بالدور ده؟

آخر مرة قولت فيها “أنا مش كويس”… كانت امتي؟