إبراهيم عبدالجواد يهاجم مبرري تصرف زيزو: ” مفيش لاعب بياخد 100 مليون ويبقى مضغوط! “

تحرير – مصر مباشر الرياضية 

هاجم الإعلامي إبراهيم عبدالجواد المبررين لتصرف أحمد سيد “زيزو” مع هشام نصر، مؤكدًا أن تبرير الواقعة بالضغوط النفسية أمر غير مقبول، خاصة أن اللاعب يتقاضى مبالغ ضخمة.

وقال عبدالجواد خلال حديثه في برنامجه الرياضي: “هو مين اللي مضغوط يا جماعة؟ اللي مش لاقي يأكل عياله، اللي عليه إيجار شهرين ومش قادر يدفع، أو اللي ابنه تعبان ومش قادر يجيّب له علاج.
إنما لاعب بياخد 100 مليون في الموسم عمره ما يكون مضغوط!”

وأضاف: “امبارح كان بيبوس تيشيرت الزمالك ويقول نادي كبير ونادي بطولات، والنهاردة بيبوس تيشيرت الأهلي ويقول نفس الكلام. لا ده انتماء ولا وفاء، دي كلها مصالح وفلوس.”

وختم عبدالجواد تصريحاته برسالة حادة للجماهير:

“مفيش لاعب يستاهل إنك تزعل عشانه.
اللاعب بياخد الملايين سواء كسب أو خسر،
إنما أنت كمشجع بتدفع من وقتك وصحتك ومش بتاخد حاجة.
الجمهور هو الوحيد اللي عنده انتماء ووفاء،
والباقي انتماءهم للفلوس وبس.”