ياسمين عبد العزيز…حلوة البدايات كلها حكايات علي رأي عمرو دياب..مع”مني الشاذلي”
كتبت/زينب أيمن الكيلاني
حلت الفنانة ياسمين عبد العزيز ضيفة على برنامج “معكم”، الذي تقدمه الإعلامية منى الشاذلي، على قناةON،كشفت ياسمين عبد العزيز نيتها في الزواج مجددًا.
قالت ياسمين عبد العزيز عن الزواج والحب مرة أخرى: هو فيه حب أصلا؟ في الزمن اللي إحنا فيه ده مفيش غير الدراما بس اللي فيها حب. حلوة البدايات كلها حكايات.. على رأي عمرو دياب، مش هو قال كده؟ مضيفة أنها سنجل وسعيدة بذلك في الوقت الحالي، وتركز فقط على شغلها وأولادها،.
تحدثت عن علاقة الصداقة التي تجمعها بالنجم كريم فهمي وزوجته، مؤكدة أن ما يراه الجمهور من انسجام بينهما يعود لكيميا فنية حقيقية وليس لأي شئ آخر: أنا وكريم فهمي ومراته شلة وصحاب قوي… بقول كده عشان الناس ساعات بتخلط الأمور. في بينا كيميا، والناس حابة الكيميا دي، وهو راجل طيب وراقي.
كشفت ياسمين عن تغير جذري في طريقة تعاملها مع نفسها ومع الآخرين خلال الفترة الأخيرة، قائلة: في حد علمني إني ما أثقش في حد غير ربنا. دخلت 2025 وأنا عايزة أحب نفسي. قبل كده حبيت كل اللي حواليا وأديت لكل اللي حواليا إلا ياسمين.. فقررت أدي ياسمين وأعوضها وأبسطها.
وعن العمل الفني، أكدت أنها لا تخشى مشاركة نجوم كبار أو نجمات جميلات بجوارها، بل على العكس تفضل ذلك: مبخافش من الناس الجامدين اللي بيمثلوا حلو إنهم يطلعوا معايا. وبحب أجيب ستات شكلها حلو تمثل معايا.. أنا أطلع حلوة والناس اللي حواليا يطلعوا حلوين.
