هيدي كرم تقدم نصائح للحياة والعلاقات: «عليكي أن تكوني أفضل نسخة من نفسك لجذب الشريك المثالي»
كتبت / آية سالم
وجهت الفنانة هيدي كرم سلسلة من النصائح للسيدات عبر خاصية «ستوري» على حسابها الرسمي على إنستجرام، مشددة على أهمية تبني أسلوب حياة صحي بدلاً من اتباع دايت قاسي، حيث قالت: «لو عملتي دايت قاسي عمري ما هتخسي، لكن لو عيشتي لايف ستايل عمرك ما هتتخني». وأضافت في مقطع آخر: «أكتر حاجة بتعلم فينا هي أكتر حاجة بتعلمنا، وأحنا هنا جايين نتعلم، فمتزعليش».
وفي جانب آخر، تحدثت هيدي كرم عن نصائحها للمقبلين على علاقات عاطفية، مؤكدة أن الشخص الباحث عن شريك حياة مثالي يجب أن يكون هو الآخر مثاليًا، وقالت: «كل واحد فينا لما بيدور على شريك عايز يشاركه حياته، بيبقى دايمًا بيدور على أحسن حاجة.. الست بتبقى عايزة راجل كريم وحنين ومعطاء ومخلص، والراجل نفسه عايز ست بنفس الصفات».
وأكدت هيدي أن الأساس لجذب شريك مناسب هو العمل على تحسين الذات، قائلة: «علشان أدور على أفضل راجل أو ست، لازم أنا كمان أكون أحسن نسخة من نفسي.. لما أشتغل على نفسي وأوصل لأفضل نسخة مني ساعتها هجذب حد نفسي». وأضافت: «ماينفعش راجل ييجي يقول على الست إنها مش عارفة قيمتها.. هل أنتو فعلًا ليكم قيمة حقيقية؟ أو اشتغلتم على نفسكم؟».
على الصعيد الفني، كشفت هيدي كرم عن انتهائها مؤخرًا من تصوير معظم مشاهدها في فيلم «عيلة دياب على الباب» مع النجم محمد سعد، المقرر عرضه في موسم أفلام عيد الفطر. وتقدم هيدي في الفيلم شخصية سيدة غنية تُدعى ليلى، متزوجة من رجل أعمال ولديها ابن وابنة، مؤكدة أن دورها بعيد عن الشر: «الحمد لله الدور المرة دي طيبة جدًا.. كفاية الشر اللي عملته قبل كده في أعمالي.. ويارب الدور يعجب الجمهور».
