توبة واعتذار.. أحمد سعد يرضخ لجمهوره ويعد بإنهاء “التقاليع” المثيرة للجدل
كتب / ياسر الدشناوى
في خطوة لاقت تفاعلاً واسعاً على منصات التواصل الاجتماعي، خرج الفنان أحمد سعد ليعلن بشكل قاطع توقفه عن الظهور بالإطلالات الغريبة والمثيرة للجدل التي ميزت بعض حفلاته الغنائية الأخيرة، وأثارت موجات من الانتقادات الحادة بين متابعيه.
ومن خلال مقطع فيديو نشره عبر حسابه الشخصي على منصة “فيسبوك”، وجه سعد رسالة مباشرة ومؤثرة إلى جمهوره، طالبهم فيها بدعمه ومساعدته على الالتزام بقراره الجديد، قائلاً:
“أنا هعمل حاجة مهمة جداً.. أنا عاوزكم تساعدوني، أنا خلاص توبت عن أي حاجة غريبة، أنا مش هعمل أي حاجة تزعل جمهوري تاني اللي بحبه”.
مواجهة الانتقادات ومصالحة الجمهور
ولم يتجاهل أحمد سعد التساؤلات المتوقعة من الجمهور حول تكرار تصرفاته ثم الاعتذار عنها، حيث تابع حديثه بكل صراحة:
“طبعاً أنتوا هتقولوا كل شوية تعمل حاجة وترجع تعتذر وترجع تقول سوري، مش مهم إيه اللي هيتقال، طبعاً أنا طلعت وقولت أنا مش هعمل حاجة تزعل ربنا وأنا مش هعمل حاجة غريبة تاني، أنا خلاص أنا عاوز أعيش في سلام وربنا ديماً بيقبل أي حد يتوب”.
واختتم الفنان الشاب مقطع الفيديو بتقديم اعتذار رسمي وواضح لكل من شعر بالاستياء من مظهره في الفترة الأخيرة، قائلاً: “أنا عاوز أقول للناس اللي زعلت مني عشان عملت كدا، أنا بقولكم حقكم عليا ومتزعلوش”.
