كتب /محمود محمد
أوقات ربنا بيكسر حواليك كل حاجة مش عشان يضيعك لكن عشان يخلق منك صقر يقدر يطير لوحده
البداية الهروب من الموت
في يوم من الأيام الدنيا اتقلبت على رأسها في بني أمية انتهت الدولة واتقتلت العيلة كلها وكل اللي نجا منهم طفل شاب اسمه عبدالرحمن بن معاوية هرب لوحده لا أهل ولا وطن ولا أمان بيجري بين الصحرا والمية والعيون بتطارده من كل ناحية كان ممكن ينهار بس قلبه ما خافش قال في نفسه طول ما ربنا معايا أنا مش لوحدي
رحلة الصقر
قطع البحر وهو في عز الخطر والموج بيعلو حواليه والليل بيغطي السما لكن جواه نور ما بينطفيش نور الإيمان بنفسه وثقته في ربنا وصل للأندلس بلد غريبة ناس ما تعرفوش لكن قرر يبدأ من جديد ما قعدش ينوح على اللي راح بدأ يزرع لحلمه خطوة بخطوة بذكاء وبصبر وبقلب مؤمن
من الغربة للمجد
عبدالرحمن الداخل ما اكتفاش إنه يعيش قرر يبني حضارة جمع الناس ووحد القلوب وبقى أمير الأندلس أسس دولة عظيمة عاش فيها الإسلام قرون طويلة الناس سموه صقر قريش لأنه طار فوق كل الظروف وما سمحش للخوف ولا الحزن يكسروه
الميزة في قصته مش بس القوة لكن الإيمان اللي جواه إيمانه إن الفشل مش نهاية ده باب بداية المنفعة إنك تتعلم إن النجاح مش محتاج ظروف مثالية النجاح محتاج قلب ثابت وعزيمة ما بتتهزش مفيش حد بدأ بسهولة بس اللي بيكمل رغم التعب هو اللي اسمه بيتكتب في التاريخ
لو اتكسرت قوم
لو حسيت يوم إنك لوحدك افكر في عبدالرحمن الداخل شاب فقد كل حاجة لكنه ما فقدش نفسه اتكسر لكن ما استسلمش غرب لكن ما نسيش هدفه وده سر النجاح الحقيقي إنك تقوم بعد كل وقعة وتقول لسه فيّ روح ولسه فيّ أمل
